Capital One Cup: Fourth round ah Arsenal vs Chelsea

26th September 2013 at 8:20 am by Lalramenga Hmar

Capital One Cup ah team 16 chauh an dam ta a. Nilai zanah Manchester United in Liverpool an hneh a, Arsenal in penalty shoot-out ah West Brom an hneh bawk. Heng team ‘lian’ pahnihte hian Fourth Round (Round of 16) ah Chelsea, Tottenham Hotspurs, Manchester City leh team dang te an zawm ve ta a ni.

capital one1.jpg

(Nilai zan inkhel review hi kimchang zawka post siam a ni ang)

4th round-ah hian inkhel en chakawm fal nalh a awm a, chu chu Emirates Stadium-a Arsenal in Chelsea an mikhual tur hi a ni. Premier League club lian pahnihte hi kum 2007 final-ah intum tawhin, inkhel hmuhnawm takah Chelsea an chak hram a, hem hma kumhnih – kum 2005 – ah Chelsea bawk hi an champion tawh a ni. Arsenal hi kum 1993 khan he cup-ah hian an champion tawh bawk. Player nei tha ve ve, tunhnaia result duhawm tak nei ve ve an ni a, inkhel hmuhnawm tak kan beisei thei awm e.

Team la dam 16 zinga team 3 chauh hi Premier League pawnlam club an ni a. Heng team pathumte pawh hi Premier League hnuai chiah Championship team vek an ni. Leicester City chuan Fulham an mikhual dawn a, Birmingham City in Stoke City an mikhual bawk ang. Birmingham City hi champion lai Swansea City pet tla tu an ni.

Manchester City in khualmualah Newcastle United an luhchhuah a ngai dawn a, hemite pahnih intum tur hi 4th round tihmuhnawmtu pakhat a nih a beiseiawm. Manchester United in Norwich City an mikhual ang a, Tottenham Hotspurs in Hull City an mikhual bawk ang. Anni pahnih hi chu chak turah an dah theih awm e.

Fourth round hi October 29 leh 30 ah te khelh a ni ang a. October 30 ah hian quarter final-a intum turte pawh nghal a ni ang.

Sunderland v Southampton
Leicester City v Fulham
Birmingham City v Stoke City
Manchester United v Norwich City
Burnley v West Ham United
Arsenal v Chelsea
Tottenham Hotspurs v Hull City
Newcastle United v Manchester City

Comments:

  1. zodina 26-09-2013 at 10:52:42 am
    zodina

    hmuhnawm dawn hle mai, Arsenal hi tunlai chu an vannei ve tlat, League ah hian an khel tha tluang riau a, Cup ah enge an an dawn ni...engpawhnise a nghahhlelhawm e..

  2. henrybkt 26-09-2013 at 4:45:42 pm
    henrybkt

    club lianah chuan man.utd tum tur a zia ber ava ang ve,an pet thla lian bawk ah

  3. hriatpuia.isaac 27-09-2013 at 6:23:07 am
    hriatpuia.isaac

    nghah hlelhawm tawh hle mai

Please login to comment