"ARSENAL-AH BENZEMA A LUT DAWN LO" - BENZEMA AGENT

25th August 2013 at 12:56 pm by Lalramenga Hmar

benzema1.jpg

Real Madrid leh France striker Karim Benzema chu Arsenal –ah a lut dawn lo tih a agent Karim Djaziri chuan a sawi.

Arsenal manager Arsene Wenger hian transfer season tawp hmain player ‘langsar’ lakluh ngei a tum a,  player langsar tak tak engemawzat leh Arsenal sawizawm a ni nghal. Heng zingah hian Real Madrid hmatawng pahnih Angel di Maria leh Karim Benzema te pawh an tel a, di Maria hi Arsenal in an lalut thei ‘maithei’ nia sawi a ni. Benzema erawh an lalut thei dawn lo niin a lang ta.

“Thuthang leng vel hi chu kan titawp thei lo a, mahse hei hi ka hrilh ang che u: Karim hi Arsenal-ah a lut lo ang. A rilruah Arsenal-a luh a awm ngai lo a, Arsenal pawhin min la be lo a, Real Madrid-ah a awm ang.

“Real Madrid-ah Gareth Bale a rawn lut maithei a, hei hian a dinhmun a tiderthawng lo. Cristiano Ronaldo leh Bale te a sirah an khel ang a, a laiah Karim (Benzema) a khel ang.” tiin Benzema agent chuan French chanchinbu Le Journal du Dimanche a hrilh a ni.

Benzema hian Real Madrid-ah kum 2015 thleng contract a nei a, tunah hian pawhsei tumin an inbe mek niin a agent chuan a sawi a. “Real Madrid a khelh hi a dream a ni a, he club-ah hian a career pumpui a hmang zo vek maithei.” a ti.

Real Madrid hian Gonzalo Higuain an hralh tawh a, tun dinhmunah chuan Benzema hi an striker rinrawl ber tur niin a lang. Striker thar an la a nih loh chuan an chhuahtir aiin chhuahtir loh a rinawm zawk.

Comments:

  1. lalrammawia renthlei 25-08-2013 at 5:01:53 pm
    lalrammawia renthlei

    an hralh phal chu rinawm chiah lo alawm,mahse di maria chauh pawh hi la se,an that pui ka ring,

  2. zodina 25-08-2013 at 5:17:02 pm
    zodina

    Chelsea in 30mil pnd in Willian an lei ta tih vel h news ropui vak a ni lo, Arsenal hian 30mil pnd vel seng hian player han lei v reng2 sela,box office news a tling hat ang,an in ren leh lutuk thin a ni..tun ah hian Hulk leh Di maria te hi market a an om theih chuan lei risk dun thruai sela,an that phah nasa ngawt ang,news pui tak a ni bok ang..suarez la bok se,cup chawi chu an hnaih nghal viau ang..

  3. zodina 25-08-2013 at 5:20:32 pm
    zodina

    David Villa te kha rumours atam teh reng nen khan an lo dawr lo reng2 amw ni, Demba Ba tal hi lei se la, Defender pahnih khat vel nen, 100mil pnd vel han seng chho ve rup mai sela, Wenger poh hi a nui ve deuh ang maw le, ama tan a tha tur vek asin le..

  4. zodina 25-08-2013 at 5:21:53 pm
    zodina

    Wenger hi chu Arsenal tran ve kher lo tan pawh a tran awm ve eemmm a ni...

  5. Tetea GooNer Chhangte 26-08-2013 at 1:11:33 pm
    Tetea GooNer Chhangte

    Players tra lak tur hi an vang anih hi..an man a to si,in ren ve bwk nen...pawisa hmag tam City pwh tiag mai2 kha ni leh bawk si..a lu hai thlak duh khawp ag..

  6. Dana Chawngthu 26-08-2013 at 4:56:15 pm
    Dana Chawngthu

    Player tha hian Arsenal-a luh hi an chak teh chiam lo emaw ni dawn ni. Nge Arsenal lam hian lakluh tumin an bei chiam ngai lo zawk, rumours atam ang hu in an lalut mawh riau!!

Please login to comment